Om oss
Sterkare saman
Voss Grappling og Kampsportklubb blei etablert våren 2025 av lokale, engasjerte utøvarar av jujitsu og grappling på Voss. Bakgrunnen for etableringa var eit ønske om å byggje eit sterkt fagleg og sosialt miljø for kampsport i regionen.
Styret i VG ønskjer å tilby eit trygt, seriøst og inkluderande treningstilbod, med fokus på teknikk og ferdigheitsutvikling. Fysisk og mental styrke. Respekt, tryggleik og fellesskap.
Alle treningar blir tilpassa utøvarane sitt nivå og erfaring, og klubben legg vekt på langsiktig utvikling framfor prestasjonspress.
Styret i Voss Grappling
Styret i VG består av aktive utøvarar i sporten:
Sverre Hjørnevik – styreleiar
Thomas Ringheim Bakka – nestleiar
Bjarte Bystøl – kasserar og regnskapsførar
Stig Rune Århus – styremedlem
Eva Netland – styremedlem
Saman har styret hatt hovudansvaret for etablering, drift og utvikling av klubben.
Etablering og arbeid
I løpet av 2025 har Voss Grappling:
Leigd lokale i Vangsgata 42
Gjennomført omfattande oppussing av lokalet
Etablert klubben som offisielt idrettslag
Blitt medlem av Norges Kampsportforbund og Norges Idrettsforbund
Sett opp medlemsregister
Betalingsløysing og kommunikasjon via Spond
Etablert nettside og grunnleggande driftssystem
Det er lagt ned fleire hundre dugnadstimar i oppussing og tilrettelegging av lokalene i Vangsgata 42.
Målet vårt er å skape eit miljø der barn, ungdom og vaksne kan utvikle seg både fysisk og mentalt, byggje sjølvtillit og bli ein del av eit engasjert treningsfellesskap. Alle er velkomne hos Voss Grappling, der utvikling og treningsglede går hand i hand.
